Бахтиёржон Салимжонов Чуст тумани ҳокими этиб тайинланди. Туманнинг аввалги ҳокими Бекзод Ҳамдамов йўл қўйган «хато ва камчиликлари» учун ишдан олинди.
Наманган вилоятида 2 кун давомида 450 нафар боланинг соғлиғи юзасидан шикоятлар келиб тушган бўлса, шундан 306 нафари Чуст туманига тўғри келади, деди Соғлиқни сақлаш вазири ўринбосари Элмира Боситхонова. Унинг қайд этишича, болаларнинг соғлиғи ёмонлашишига заҳарланиш эмас, ОРВИ сабаб бўлиши мумкин.
Соғлиқни сақлаш вазирининг ўринбосари Элмира Боситхонова Чуст туманидаги болалар дори воситалари ёки овқатдан заҳарланмаганини маълум қилди. Унинг қайд этишича, 85 фоиз боланинг соғлиғи жойида, уйларига қайтишга бирин-кетин рухсат берилмоқда.
Наманган вилоятида 71 нафар бола заҳарланганидан сўнг Ўзбекистон Соғлиқни сақлаш вазирлиги томонидан ўрганишлар якунига етгунига қадар таркибида йод бўлган «Антиструмин» №100 маҳаллий дори воситасидан фойдаланишга тақиқ жорий этилди.
Наманган вилояти Чуст туманидаги 9 та болалар боғчаси тарбияланувчилари ва 2 та мактаб ўқувчилари — 70 дан ортиқ бола заҳарланиш билан касалхонага ётқизилди. Расмий идоралар улар айнан нимадан заҳарланганига аниқлик киритмади. Ижтимоий тармоқларда бу йод препаратидан бўлиши мумкинлиги ёзилмоқда.
Чуст туман ҳокимлигининг учта автомобили ОАВдаги мақолалардан сўнг йўл ҳаракати қоидаларини бузганлик учун жарималар тўпланиб қолгани сабабли жарима майдончасига қўйилди. Жами 42 та баённома тузилган бўлиб, жарималарнинг умумий қиймати 20,7 млн сўмни ташкил этади. Айрим қоидабузарликлар 2018 йилда содир этилган.
Қўшимча имкониятларга эга булиш учун сайтда рўйхатдан ўтинг